Avropa İttifaqı sammiti növbəti dörd il ərzində Ukraynaya 50 milyard avroluq büdcə yardımı proqramını təsdiq edə bilməyib...
Bu barədə Avropa Şurasının rəhbəri Şarl Mişel sammitin birinci gününün yekunları üzrə jurnalistlərə açıqlamasında bildirib.
“Biz bu mövzuya yanvarda qayıdacağıq və əminəm ki, konsensusa nail olacağıq”, - deyə Mişel əlavə edib və yalnız bir ölkənin - Macarıstanın - bu proqrama qarşı olduğunu vurğulayıb.
O, həmçinin qeyd edib ki, Avropa İttifaqı Ukrayna və Moldova ilə üzvlük barədə danışıqlara başlamaq qərarına gəlib.
Qeyd edək ki, Macarıstanın Baş naziri Viktor Orban Ukraynaya 50 milyard avro dəyərində uzunmüddətli yardım proqramına veto qoyduğunu açıqlayıb.
O bu barədə özünün “X” sosial şəbəkə hesabında yazıb.
“Biz bu məsələyə bir də müvafiq hazırlıqdan sonra, gələn il Aİ sammitində qayıdacağıq”, - Macarıstanın baş naziri vurğulayıb.
Poliqon.info
Digərxəbərlər
Populyar xəbərlər
